الله معك يا ماغي
اشتقنالك ااااااااد الدني يا زعرة
حبيت قلك ولو بعد حين انو كتير عجبتني الحلقة الي اتصلتي فيها مباشرة بالملحن
نقولا سعادة نخلة وهنيتيه بعد ما طلع ببرنامج اكيد ونص مع ماغي الرجل الاكثر
اناقة.

الزلمي صراحة ببيستاهل , فغير انو كتار من المشاهدين صوتوا لوسامته والحانه
المتميزة فكتار منن كمان صوتوا كرمالك لانك ما بتخبي ابدا اعجابك بنقولا
ومحبتك الكبيرة له.

وبيتساءلوا شو بيميز ماغي عن غيرها . للي بعدوا عم يتساءل منقلوا انو
ماغي المذيعة هي نفسها ماغي الانسانة الي ما بتلبس كفوف بالتعاطي مع
الاخرين , المذيعة الي بتلغي الشاشة وبتقعد قبالك بغرفة القعدة او الصالون
او القهوة او وين ما كنت عم تحضرها, ماغي هي المذيعة الي اذا ازعجها حدا
بتقلوا بكل صراح شو الي زاعجها واذا حبت حدا فبتحبه من كل قلبها وبكل صدق
وبتخبر الجميع.

عجبتني يا ماغي الرومانسية والحنان والصدق الي توجوا كلمة بحبك لنقولا , وكاد
رجا ان يبلع لسانو لانه تفاجأ بالي قلتي . انا ما تفاجأت وكتار من الي
بيعرفوك من جوا ما تفاجأوا لاننا منعرف انو ما عندك شي تخبيه وانك بتقولي
وبتعملي كل شي طالما هوي ضمن الاخلاق والتربية الي ربوك عليها اهلك .

صحيح انو رجا بعد ما رجعلوا لسانو جرب يقلك بعيونو انو الي قلتي كتير ويمكن
شكر ربه انو نقولا ما سمعك

بس انت رجعت وكررت الكلمة لنقولا لانك مقتنعة انو مش غلط نعبر لانسان عن
مدى اعجابنا فيه لانو الي فينا نقولوا هلأ بكرا ما منقدر نقولوا.

برافو ماغي كل يوم عم توسع دائرة محبينك وشهرتك وتميزك , المهم تحافظي على
كل هول والاهم انك تبقي متل ما انت .

يمكن الي بميز الي بيحبوكي يا ماغي عن غيرن انو هالعالم عرفوا مين حبوا

هالعالم يا ماغي حبوا فيكي الشخصية وما همن الهيكل وهيدا كتير مهم

والىان نلتقي مجددا
الرب معك ويحميك ويحرسك ويحفظ البطن الي حملك

يارا - لبنان