RADIO AKTIVA

S-ro Rubens Barbieri aktivis en Urugvaja Esperanto Societo ekde la 1940-aj jaroj.
En la 1954-a jaro li estis sekretario de la Societo kaj partoprenis aktive en la pretigado de la 1-a Internacia Ekzposicio de Esperanto, je centoj da metroj de la Legxa Palaco, kie okazis la 8a Konferenco de Unesko.

Dum tiu konferenco Unesko unuafoje faris deklaron favore al Esperanto. Sed la afero ne estis tiel simpla kiel oni povus supozi; fakte la deklaracio riskis ne okazi. Nerekte, S-ro Barbieri ebligis la realigon de tiu deklaro, kiu okazis dum la lastaj minutoj de la lasta tago de la konferenco.

Cxu vi volas scii pli? En cxi tiu intervjuo, S-ro Barbieri rakontas pri la ekzposicio, pri la aferoj cxirkaux la deklaro de Unesko, kaj pri la registrajxoj kiuj restis de tiu deklaro. Kvankam la kondicxoj por la intervjuoj ne estis la plej bonaj laux fonaj bruoj kaj registrorimedoj disponeblaj, Radio Aktiva decidis disponigi al vi cxi tiun historian dokumenton de la esperanta movado.

Vi povos elsxuti aux rekte auxdi 3 sondosierojn: la unua kaj la dua estas la 14a podkasto, kun la intervjuo en Esperanto, iom da muziko inter la diversaj partoj de la intervjuo, kaj kelkaj partoj en la hispana kun traduko al Esperanto. (La unua estas pli peza kaj pli bonkvalita ol la dua). La 3a sondosiero enhavas nur la intervjuon (sen muziko) kaj en dulingva versio (esperanto-hispana), tiel kiel gxi estis farita.

Elsxutu, auxskultu, gxuu kaj komentariu!

Amike kaj samideane,

                 Daniel

http://radioaktiva.esperanto.org.uy